BOAN MA AU
Inang, Inang na burju,
Inang, Inang na uli lagu,
Aha ma si dohononku,
Tu ise ma nama aluhononhuMolo marsak ahu,
Molo ponjot pingkiranku…
Inang, Inang na basa
Nunga ganjang dalan talaosi
Udanbolas di saba Napa,
Suang songoni haba-haba di Siappis
Laho manguduti ngalo siapari…
Inang …
Tasuruk udan dohot las ni ari,
Mulai sian Parlilita tu DolokSanggul,
Sian Barus rodi Onanganjang
Tadalani borngin sian Tukka Rodi Jagapayung,
Tabolus langlang di AekRiman sahat tu Pakkat
Laho patupahon asa tuk ngolu-ngolu ni sude anakkonmu.
Inang, Inang nadenggan basa
Ditaon ho martaon di luat si leban,
Holan manghokkop sude hami anakkonmu,
Didokho, “Anakkon hido hamoraon di Ahu”
e tahe, burju mi inang!
e tahe, denggan ni lagu mi inang!
Di ngolum dang manarita ho tu pangalaho nami sude anakkonmu…
Sai dianju ho do …
Sai diajari ho do …
Sai diampok ho do atem-atem
Parbahul-bahul na bolon do ho inang,
Dang diolom ho pangalaho ni sude hami anakkonmu
Saonari ikkon borhat ma ho, mangalusi jou-jou ni Amanta Debata …
Ah tahe …,
Di naso panagaman, boasa?
Boasa inang na burju
Ingkon laho ho maninggalhon ahu,
Ise nama mangapus ilukku molo tangis ahu,
Ise nama manggolom simajujungku molo tok ulungku,
Tu isema hasampean ni langkakku,
Ah tahe inang, inang na burju…
Boan, boanma ahu inang tu hasonangan i
Boan, boan ma au inang rap dohot ho manjumpangi Tuhan i…
Rap ma hita tu surgo i, songon rampakta manaon na porsuk di hasiangan on …
Inang, begema ahu inang,
Tangihon ahu inang, anakmu na lungun on…
Hujalo podami,
Hujalo sipasingotmi atik pe mangaruhut di lakkakki,
Inang…
Molo ingkon laho ma ho saonari tu hasonangan i,
Borhat, borhat ma ho Inong, Inokku na burju.
Holan sahali do boi au manjaha on, alana gabe tamba do lungun tu natua-tua i, jadi manang ise na manjahasa, denggan ma di telepon natua-tuana be, pasombu sihol. Anggo dang saonari andigan be??.Jala bege hamu ma ende ni HOTMA SIMANUNGKALIT ( maaf appara, lagumu ini terpaksa aku SHARE DISINI,…..sangat menyentuh. Selamat mambege….)HUSOLSOLI – HOTMA SIMANUNGKALIT.mp3
NB: Beberapa nama daerah, kurubah dari aslinya, supaya puisi ini mengena khususnya kepada generasi muda pakkat.
Baca Juga…
MANGAN MANOGOT TINGKI SINGKOLAIndahan nabodari namarhorak i Tuanghonon aek las tu si Janggut-janggut nangali Pinasisi uju marbagi dohot anggi Tabo do nian parniahapan…
- HUTA HUTA DO HUTANAMI
http://www.patuamangunsong.blogspot.com/ Huta-huta do hutanami Huta nasolot di tano Humbang Hasundutan mataniari Huta-huta do…
- Mangallang Ambasang
by: Paulus Simangunsong Jumpa di tingkina uju so borhat singkola Sangahonon do tu bona ni ambasang Luluan borasna namadabu marsampatan Allangon annon…
Recent Comments